Mfano wa Barua ya Maombi ya Kazi Jeshi la Magereza

By

Mfungwa akiwa magereza, kasimama nyuma ya nondo.

Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi.

Tunaandika Mfano wa barua hii ya maombi ya kazi jeshi la magereza kwa sababu tumeshuhudia mifano mingi mtandaoni ambayo siyo sahihi na inawapotosha waombaji. Basi Mwalimu Makoba ili kuweka mambo sawa na ili kuwanusuru waombaji wasishindwe katika hatua za awali tu za barua, anakuja na mfano wa barua hii, ulio sahihi na unaokubalika kote.

Jeshi la magereza limetoa nafasi za kazi kwa vijana wenye sifa. Kitu muhimu zaidi katika uombaji wa nafasi hizi ni barua ya maombi ya kazi. Kumbuka kwamba, barua ya maombi ya kazi ndiyo kipaumbele namba moja kitakachotumika katika kuchuja nani anafaa na nani hafai.

Katika barua yako ya maombi ya kazi, hakikisha barua yako inakuwa tofauti na barua za watu wengine. Hakikisha unaandika au anaandika mtu. Epuka kabisa kuandikiwa barua yako na akili mnemba (AI), kwani lugha ya akili mnemba inajulikana na itafanya maombi yako yasifanyiwe kazi.

Pia, endapo utatumia mfano wa barua hii tuliyoonyesha sisi, tambua kwamba, waombaji wengi watatumia mfano huu hivyo barua yako itafanana na watu wengine wengi, kwa hivyo nashauri uboreshe au uwasiliane nasi tukuandikie yako itakayosimama peke yake.

Katika uombaji wa kazi hizi za magereza, hakikisha kwanza una sifa zifuatazo: wewe ni Mtanzania, umri kuanzia miaka 18 na zaidi na uwe angalau na elimu ya kidato cha nne na kuendelea.

Katika barua yako hakikisha unaweka anuani sahihi, siyo namba za simu wala email, weka sanduku la posta, kama huna sanduku la posta, tumia la mtaa. Andika anuani sahihi huko unakoomba kazi, weka kichwa cha barua, na hakikisha barua yako ina aya nne ikifungwa na mwisho unaokubalika.

Zingatia mambo haya:

Unapoandika barua hii, nakushauri utumie lugha ya Kiswahili, kwani tangazo la kazi za magereza limeandikwa kwa Kiswahili.

Hakikisha uanuani unayoweka, ndiyo iliyotajwa kwenye tangazo. Hakiki anuani yangu kama inaendana na iliyopo katika tangazo, kama haiendani, weka inayoonekana katika tangazo.

Sasa tutazame mfano wa Barua ya Maombi ya Kazi Jeshi la Magereza

Serikali ya Mtaa Kambangwa,

S.L.P 98,

KINONDONI, DAR ES SALAAM.

13/05/2024.

Kamishina Jenerali wa Magereza,

Makao Makuu ya Magereza

Barabara ya Arusha

Eneo la Msalato,

S.L.P 1176

DODOMA.

Ndugu,

Yah: OMBI LA KUJIUNGA NA JESHI LA MAGEREZA

Mimi ni mwanamume Mtanzania mwenye umri wa miaka 24. Ninaomba kujiunga na Jeshi la Magereza kama ilivyotangazwa katika tovuti ya Jeshi la Magereza na mitandao ya kijamii siku ya tarehe 15/08/2025.

Nina cheti cha elimu ya kidato cha  nne, na nimesoma katika Shule ya Sekondari Kishapu na kuhitimu mwaka 2024.

Kutokana na sifa zangu kama: uaminifu, elimu, umri, afya njema ya akili na mwili na urefu unaotakiwa, ninaamini kuwa ninastahili kupata nafasi ya kujiunga na jeshi la magereza. Nipo tayari kuhudhuria mafunzo ya awali ya jeshi la magereza na nipo tayari kufanya kazi mahali popote nitakapopangiwa.

Nipo tayari kwa usaili siku yoyote nitakayohitajika. Vilevile, ninatarajia majibu mazuri kutoka kwako na nimeambatanisha nakala ya vyeti vyangu kwa uthibitisho zaidi.

Wako mtiifu,

___________

SAMWEL NATA DUNIA

Endapo utaandika katika mfano huu, basi una nafasi kubwa ya kuita katika usaili, hivi ndiyo inavyotakiwa kuandikwa. Tunakukumbusha tena, wengi wataandika kama ilivyo, hivyo basi hakikisha unabadili kidogo ili iwe ya tofauti, ukihitaji kuandikiwa nasi, wasiliana nasi ujipatie kazi iliyo bora, ya peke yako, isiyo fanana na barua ya mtu mwingine na uitwe katika usaili.

Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi.

Popular posts from this blog

Uhakiki wa Tamthiliya ya Kilio Chetu

By
Image
TAMTHILIYA; KILIO CHETU MWANDISHI; MEDICAL AID FOUNDATION MCHAPISHAJI; TANZANIA PUBLISHING HOUSE MWAKA; 1995 JINA LA MHAKIKI; Mwalimu Daud Makoba Kilio chetu ni tamthiliya inayovunja ukimya uliotawala miongoni mwa jamii katika kutatua matatizo makubwa ambayo chimbuko lake ni mahusiano ya kijinsia. Katika tamthiliya hii vijana wanatoa sauti ya jitimai iliyojaa sononeko na shutuma dhidi ya wazazi, walezi na viongozi ambao wanafumbia macho suala hili nyeti. Ndiyo maana tamthiliya hii inasisitiza sana haja ya kuwapa vijana elimu juu ya mahusiano ya kijinsia badala ya hofu na vitisho ambavyo vimedhihirika kupitia hali halisi ya kuwa vimeshindwa. FANI MUUNDO Tamthiliya hii imetumia muundo wa moja kwa moja. Inaanza kwa kutuonesha wazazi wakibishana juu ya kutoa elimu ya jinsia na mahusiano. Mwisho Joti mtoto ambaye hakupatiwa elimu hiyo anampa mimba mtoto mwenzake Suzi. Baadae Joti anakufa kwa UKIMWI. Pia tamthiliya hii imegawanywa katika sehemu sita. sehemu y...
Read More»

Uhakiki wa Tamthiliya ya Ngoswe Penzi Kitovu cha Uzembe

By
Image
JINA LA KITABU: NGOSWE PENZI KITOVU CHA UZEMBE MWANDISHI: EDWIN SEMZABA Mhakiki: Mwalimu Makoba Utangulizi Afisa aliyetumwa kuhesabu watu-Ngoswe, anashindwa kuifanya kazi yake na kuanzisha ajenda nyingine ya mapenzi. Anapanga kutoroka na binti Mazoea aliyekwisha kuposwa tayari, Mazoea naye kusikia atakwenda kuishi mjini anakubaliana na mpango huo. Wanapotoroka, Ngoswe anasahau mkoba wenye takwimu za watu waliokwisha kuhesabiwa, Mzee Ngengemkeni Mitomingi ambaye ndiye baba yake na Mazoea, anazichoma moto takwimu hizo na kumsababishia hasara kubwa Ngoswe. J ina la Kitabu Jina la kitabu “Ngoswe penzi kitovu cha uzembe” ni jina ambalo limesawiri vyema yaliyomo ndani ya kitabu hicho, kwani Ngoswe ndio jina la mhusika mkuu anayebeba dhamira kuu ya tamthiliya. Pia penzi limeonekana kuwa ni kitovu cha uzembe kwani ndio yaliyopelekea kuteketezwa kwa karatasi za takwimu za sensa. Hivyo jina la kitabu si tu kwamba limesawiri yaliyomo katika kitabu bali pia katika jamii. Maudhui ...
Read More»

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa...
Read More»