Vitu Vinavyokuibia Muda Wako na kufanya Kazi Zisikamilike

By
Mchoro wa saa ya mshale

Matumizi sahihi ya muda yatakufanya upate amani mahali pa kazi, uongeze ufanisi na uzalishaji. Hata hivyo, vipo vitu ambavyo vinakuibia muda wako na kukufanya uone siku haitoshi ilhali saa ni nyingi. Unapenda kuvifahamu vitu vinavyokuibia muda wako? Soma taratibu.

1. Simu

Simu ni mwizi wa kwanza wa muda. Wakati wa kazi, unaweza kupigiwa simu ukapokea na kuongea kwa zaidi ya dakika ishirini. Utajibu meseji kadhaa, utaingia katika mitandao ya kijamii kutazama habari mbalimbali, ukija kukaa sawa ili ukamilishe kazi, muda umekwisha!

2. Kelele

Wapo watu wanaofanya kazi katika mazingira yenye kelele nyingi. Kelele hupunguza ufanisi kwani mtu hushindwa kufikiri haraka ili kukamilisha jambo. Fikiria mtu anayefanya kazi katika mazingira ya kelele, anaamua kutafuta sehemu yenye utulivu ili atume au asikilize taarifa fulani muhimu, hatua zote hizi zinapoteza muda.

3. Vikao

Vikao vya ofisi navyo ni sehemu ya wezi wa muda. Vikao vingi huwa havina jambo la maana zaidi ya kukumbushana mambo yaleyale ya kila siku. Haimaanishi kwamba vikao visiwepo kabisa, lakini ofisi ijitahidi kuitisha vikao vyenye tija na muda uliopangwa ufuatwe.

4. Runinga

Runinga inapoteza muda wako. Unaweza kusitisha kazi fulani, ili utazame tamthiliya fulani kisha utaendelea. Matokeo yake muda mwingi unatumika katika kutazama runinga hivyo kazi hazikamiliki kwa wakati. Hata hivyo kupumzika na kuangalia runinga siyo kosa, lakini ifanyike katika namna ambayo haitapoteza muda wa kazi.

5. Wewe mwenyewe

Ndiyo, wewe ni mwizi wa muda wako. Ni mwizi wa muda wako kwa sababu unafanya mambo bila mpangilio. Unajifanyia tu bila kujali kipi muhimu na kipi si muhimu. Unapofanya kazi, hakikisha unaorodhesha mambo yote unayotaka kuyafanya katika siku hiyo. Kisha anza kufanya kazi ukizingatia lipi muhimu nalipi si muhimu sana.

6. Marafiki

Marafiki ni wezi wa muda wako. Rafikia anaweza kukuomba umpeleke sehemu fulani, au pengine akakupigia simu wakati wa kazi. Akakutembelea wakati wa kazi na ikafaa kumjali zaidi na kuahidi kufanya kazi baadae. Hatupaswi kukosa marafiki, lakini tutenge muda wa kazi na ule wa marafiki.

7. Mambo mengi kwa wakati mmoja

Wapo watu wanaofanya mambo mengi kwa wakati mmoja na kujikuta wakishindwa kukamilisha hata jambo moja. Nitatoa mfano wa mwalimu anayesahihisha mtihani, lakini muda huohuo anatazama runinga, muda huo anajibu meseji na muda huohuo anajadiliana na wenzake kuhusiana na mechi fulani. Kwa Hakika hakuna kazi itakayokamilika hapo.

Hayo ni baadhi ya mambo yanayoiba muda wako. Ni vyema basi kuwa makini na mambo haya ili tuweze kuongeza ufanisi mahali pa kazi.

Mambo ya kuzingatia ili kuepuka kupoteza muda

1. Kataa vikao visivyo na manufaa kwako na visivyo vya lazima kuhudhuria. Unapokubali kwenda katika vikao, hakikisha muda uliopangwa unatumika na si zaidi yake.

2. Weka orodha ya mambo yote unayotaka kuyakamilisha katika siku fulani. Tengeneza tabia ya kuandika mambo unayotaka kuyakamilisha kila siku.

3. Pumzika, usikae muda mrefu katika kiti. Pumzika kidogo mwili upate nguvu. kwa anayetumia kompyuta, anashauriwa kupumzika kila baada ya dakika ishirini. Simama, jinyooshe, tembea kidogo, rudi endelea na kazi.

4. Zuia usumbufu. Wafahamishe watu hutaki kusumbuliwa unapokuwa unafanya kazi.

5. Pata muda wa kulala. Kukosa usingizi au kushindwa kulala kwa muda unaofaa kutakufanya ushindwe kufanya kazi zako vizuri. Hakikisha unalala mapema na unaamka mapema. Hakikisha unapata angalau saa nane za kulala. Haiwezekani? Basi saa saba. Nazo haziwezekani, fanya sita. Pata saa nyingi za kulala ili akili ipate pumziko na iweze kufanya kazi siku inayofuata.

Ukizingatia hayo, utafaidika katika kazi zako. Kukamilisha kazi kutakupunguzia msongo wa mawazo. Ni wakati sasa wa kuwaepuka wezi wa muda kwa kuzingatia mambo yaliyoelekezwa.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»