Mwanamke Uliyekula Pesa Zangu Nakutafuta | Sehemu ya Pili

By

Mwanamume ndani ya kiza
Nilikaa kona ya kulia mwishoni mwa baa nikinywa taratibu. DJ alipiga mziki mtamu hata baadhi ya wateja walinyanyuka na kuanza kucheza. Nilisikia kionjo, “Timba Mtu Mbaya”. Niliufurahia mziki, lakini sikufurahia ukubwa wa sauti iliyokuwa inasikika kutoka katika spika, nilitamani wapunguze kidogo lakini sikutaka kuwaambia kwani walishayazoea makelele hayo. Pia, mimi ni nani hata nitoe amri sauti ipunguzwe!

Nilijikagua mfukoni na kugundua kwamba, kile kikaratasi ambacho huwa naandika pesa nimpazo yule msichana hakikuwemo. Nilisikitika kwa kupoteza kumbukumbu zile muhimu za kihasibu. Nikiwa katika lindi la mawazo na unywaji, ghafla juu ya meza niliona kikaratasi changu kikiwa kimeshikiliwa na mikono laini ya kike. Alikuwa yule msichana, alitabasamu, akacheka, akakohoa kidogo kisha akakaa juu ya meza.

“Umekuja kama ulivyoahidi… nilidhani masihara!” nilisema kwa sauti kali ili aweze kunisikia kwa sababu ya yale makelele.

“Nimetoroka kama nilivyokuahidi, Babuu akilala hukoroma, ukisikia miungurumo yake, haamki tena huyo,” alijibu akitabasamu.

Mhudumu alifika, msichana akaomba aletewe kinywaji kama changu. Aliletewa haraka. Nikachukua kikaratasi kutoka mikono yake, nikatoa kalamu na kuandika 2,000/=.

“Ulisema unaitwa Mako?” aliuliza.

“Ndiyo,” nilijibu kisha nami nikauliza, “wewe unalo jina?”

“Kuna mtu hana jina bwana wewe? Naitwa Asi.”

“Jina zuri. Una miaka mingapi?”

“Mwezi ujao natimiza 20… wewe je?”

“Sina miaka mingi, lakini nimekuzidi miaka 10,” msichana alicheka akiwa amefurahi, halafu nikaongeza swali, “Babuu ni nani?”

Hakunijibu kama nilivyotarajia, badala yake alinyanyuka na kuanza kucheza, Asi alikuwa na kichwa chepesi, mafunda mawili tu, yalimfanya achangamke kuliko mtu yeyote mule ndani.

Ulisikika wimbo katika spika zile zenye sauti kali ya kukera, “nimekuzoeaaa… nimekuzoeaaaa… nime, nime, nime…” msichana akazungusha kiuno chake katika hali ambayo ilinifanya nipatwe na kizunguzungu, lakini baada ya kumtazama kwa muda mrefu, nilizoea hali ile.

Alivaa gauni refu lakini lililobana maungo yake. Gauni hili la kumetameta, liliendana vilivyo na rangi yake tamu nyeusi.

Sasa hakutaka tena kucheza peke yake, akaninyanyua katika kiti ili nicheze naye, lakini sikuwa na bahati, kitendo cha kusimama tu, ulisikika mlio wa bunduki, mziki ukazima, wote tukalala chini bila kuambiwa, akabaki kasimama mwanamume mmoja akiwa kaikamata vyema bastola yake-Glock 17.

Naifahamu vyema bastola hii ya maangamizi aina ya Glock17. Hutengenezwa na taifa la Austria lililo jirani na nchi ya Ujerumani. Sijui mwizi yule aliipata wapi kwani ni silaha iliyotengenezwa kwa vikosi maalumu kama wasimamizi wa sheria na majeshini. Wepesi wake na uwezo wa kubeba risasi 17, umeifanya ipendwe duniani kote.

Yule bwana mwenye bastola, alisimama wima, akaja mwenzake ambaye hakuwa na silaha, akawa akimlazimisha dada wa mauzo, ampatie fedha. Baada ya kusikia majibizano yao, niliona nafasi ya wokovu imewadia.

Soma: Mwanamke Uliyekula Pesa Zangu Nakutafuta |Sehemu ya Tatu

Popular posts from this blog

Uhakiki wa Tamthiliya ya Kilio Chetu

By
Image
TAMTHILIYA; KILIO CHETU MWANDISHI; MEDICAL AID FOUNDATION MCHAPISHAJI; TANZANIA PUBLISHING HOUSE MWAKA; 1995 JINA LA MHAKIKI; Mwalimu Daud Makoba Kilio chetu ni tamthiliya inayovunja ukimya uliotawala miongoni mwa jamii katika kutatua matatizo makubwa ambayo chimbuko lake ni mahusiano ya kijinsia. Katika tamthiliya hii vijana wanatoa sauti ya jitimai iliyojaa sononeko na shutuma dhidi ya wazazi, walezi na viongozi ambao wanafumbia macho suala hili nyeti. Ndiyo maana tamthiliya hii inasisitiza sana haja ya kuwapa vijana elimu juu ya mahusiano ya kijinsia badala ya hofu na vitisho ambavyo vimedhihirika kupitia hali halisi ya kuwa vimeshindwa. FANI MUUNDO Tamthiliya hii imetumia muundo wa moja kwa moja. Inaanza kwa kutuonesha wazazi wakibishana juu ya kutoa elimu ya jinsia na mahusiano. Mwisho Joti mtoto ambaye hakupatiwa elimu hiyo anampa mimba mtoto mwenzake Suzi. Baadae Joti anakufa kwa UKIMWI. Pia tamthiliya hii imegawanywa katika sehemu sita. sehemu y
Read More»

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. CV Bora ni Ipi? Ukurasa Mmoja au Kurasa mbili hadi tatu? CV bora ni ile yenye kurasa mbili hadi tatu. Watu wengi wanapojifunza namna ya kuandika CV, wamekuwa wakiona CV zenye ukurasa
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»