Tabia 11 za Usomaji Zitakazokupatia Matokeo Mazuri

By
Kilimo cha Kisasa.
Unaposoma, lengo huwa ni kupata alama nzuri zitakazokusaidia kutimiza yale uliyopanga. Inawezekana unataka kupata A, B, C na wapo wanafunzi wanaotaka kupata D. Ili uweze kupata alama nzuri unazohitaji wewe, zingatia tabia hizi za usomaji:

     1.   Tengeneza ratiba
Unapokuwa unasoma, kuwa na ratiba ya wiki nzima. Ratiba itakusaidia kuwa makini katika masomo na kuepuka kupoteza muda.

     2.   Soma kadri ya uwezo wako
Tumia muda wako mwingi kusoma. Hii haina maana kwamba hutakiwi kupumzika, ila kusoma kiwe kipaumbele.

     3.   Vuta pumzi ndefu kabla hujaanza kusoma
Kuvuta pumzi ndefu kabla hujaanza kusoma hukusaidia uwe makini katika unachokisoma na kuepusha mawazo mengine. Unapokaa kuanza kusoma, vuta pumzi ndani kwa pua, kisha itoe kwa njia ya mdomo. Wakati ukivuta pumzi, hesabu sekunde nne, na wakati unaitoa, hesabu sekunde nne. Itakusaidia ku’concentrate’ wakati wote utakaotumia kusoma.

     4.   Kuwa na sababu inayokufanya usome
Usisome kwa sababu watu wote wanasoma. Tafuta sababu ya kufanya hivyo: wengine husoma ili waweze kupata vyeti, kupanda vyeo, kupata kazi, kupata maarifa na sababu nyinginezo. Wewe pia, tafuta sababu inayokufanya usome.

     5.   Nukuu unapokuwa darasani
Usisikilize peke yake, nukuu yale yanayofundishwa na mwalimu. Huwezi kukumbuka mambo yote yanayosemwa na mwalimu, hivyo nukuu.

     6.   Yasome yote uliyofundishwa shuleni katika siku husika
Kama shuleni ulifundishwa Kiswahili, History na Physics au masomo yoyote, yapitie masomo hayo kabla hujaendelea na ratiba yako. Hii itakusaidia uelewe vizuri kwani bado utakuwa na kumbukumbu juu ya kile ulichofundishwa. Usisubiri mambo yawe mengi ndiyo uanze kusoma.

     7.   Soma ‘notes’ zako kabla hujafanya maswali uliyopewa
Kabla hujajibu maswali ya mwalimu, soma kwanza nukuu zako. Itaifanya akili yako iwe tayari kujibu maswali hayo.

     8.   Lala kwa muda wa kutosha
Ni vizuri zaidi kama utapata saa nane za kulala kila siku. Hata hivyo, kama mambo ni mengi, hakikisha angalau unalala kwa saa saba au sita.

     9.   Pata mazingira mazuri ya kusoma
Sehemu ambayo haina kelele wala usumbufu wa aina yoyote, ni nzuri kwa kusoma. Epuka sehemu zenye makelele na vikwazo vingine vitakavyokukatisha wakati ukisoma.

     10.               Pumzika
Usisome mfululizo, pumzika. Wakati unasoma, kuwa na saa pembeni. Kila baada ya dakika ishirini, pumzika kwa muda wa dakika moja: simama, tembea kidogo, jinyooshe, vuta pumzi ndefu kama nilivyoelekeza, kisha endelea tena kusoma.

     11.               Jipime mwenyewe
Usisubiri mtihani wa mwalimu ndiyo ujipime maarifa yako. Tafuta maswali katika vitabu au mtihani wowote wa online, kisha fanya ili uone uwezo ulionao katika somo husika. Hii itakusaidia kutambua mapema uwezo wako na kuchukua hatua zitakazokusaidia.

Anza leo kufanya mambo hayo, utaona mafanikio.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»