Mtihani wa Kiswahili 2 kwa Wanafunzi wa Kidato cha Sita 2

By
Mtihani wa Kiswahili 2 kwa Wanafunzi wa Kidato cha Sita 2

Endapo unataka kufanya mtihani huu ili usahihishwe na Mwalimu, zingatia mambo haya:
1. Mtu yeyote na popote alipo anaruhusiwa kufanya mtihani huu.
2. Fanya mtihani huu kwa kutumia aina yoyote ya karatasi.
3. Ukimaliza, piga picha karatasi hizo kisha zitume WhatsApp kwenye namba ya Mwalimu Makoba, 0754 89 53 21. Bofya hapa kusoma maelekezo yote.
Muda: Saa 3
Sehemu A (Alama 20)
Fasihi kwa Ujumla
1. Kwa kutumia mifano katika jamii ya Tanzania, jadili mambo manne muhimu yanayoweza kumfanya mwandishi apoteze uhuru wake.
2. Ni kwa namna gani fasihi inatofautina na sanaa zingine kama ususi, uchongaji na uchoraji. Toa hoja tano.
Sehemu B (Alama 20)
Ushairi
3. “Washairi wengi huimarisha jamii zao kwa kuyataja maovu.” Tetea usemi huu kwa kutoa hoja nne kwa kila kitabu katika diwani mbili ulizosoma.
4. “Viongozi hawana huruma na watu wao.” Jadili ukweli wa kauli hii kwa kutoa hoja nne kwa kila kitabu katika diwani mbili ulizosoma.
Sehemu C (Alama 20)
Riwaya
5. “Waandishi wa kazi za fasihi hufanya kazi ya kuishauri jamii ya Tanzania.” Fafanua kauli hii kwa hoja nne kwa kila kitabu kutoka katika riwaya mbili ulizosoma.
6. “Kazi ya fasihi huwa na wahusika ambao huibua dhamira mbalimbali.” Thibitisha kauli hii kwa kutoa hoja nne kwa kila kitabu.
Sehemu D (Alama 20)
Tamthiliya
7. “Waandishi wa kazi za fasihi hulenga katika kuumba upya jamii zao.” Fafanua mbinu tano kwa kila kitabu katika tamthiliya mbili ulizosoma zilizopendekezwa na waandishi kama nyenzo za ujenzi wa jamii mpya.
8. Tamthiliya nyingi ni za machungu kutokana na ujumbe mzito unaobebwa kwa jamii. Thibitisha dai hili ukifafanua hoja nne zinazodhihirisha machungu kwa kila kitabu katika tamthiliya mbili ulizosoma.
Sehemu E (Alama 20)
Usanifu wa maandishi
9. Soma habari ifuatayo kisha jadili mbinu za kifani zilizotumika kufikisha ujumbe.
Hakuna kilichobaki, wamekula kila kitu. Sasa njaa imetanda, hakuna aliyesalama, labda wezi wachache wenye vitambi laini vya dhambi.
Njaa inawatandika wasio na ajira na wenye ajira. Yote haya yamesababishwa na watu walioaminiwa, wakawekwa pale juu lakini wakafanya mambo yanayoshusha kila kitu. Upuuzi.
Sauti ilisikika katika chumba alicholala Mzee, aliwakamata mkono wajukuu zake wawili na kuanza kuwausia.
“Wajukuu sikieni, haya maradhi ya umasikini nimepambana nayo ningali na nguvu nyingi kama nyinyi, lakini wapi, umasikini umenitandika vilivyo hata sina hamu.
Sasa nawaomba nyinyi, mpambane na huyu adui. Hata hivyo, sidhani kama mtaweza, lazima mtarudishwa nyuma na wale jamaa wenye vitambi laini.
Hata hivyo, ipo namna ya kupambana na huyu adui. Ipo namna nawaambia, hata hivyo msiniulize kwa nini mimi sikuitumia mpaka sasa nakufa katika chumba hiki kisicho na heshima, nisikilizeni kwa makini, mkitaka kufanikiwa tumieni njia hii ninayowaambia.
Njia pekee ya kuushinda umasikni ni kufanya kazi kwa bidii, na njia sahihi ya kuwashinda wale wenye vitambi laini ambao hata mkifanya kazi kwa bidii lazima watawarudisha nyuma… njia pekee ya kuwashinda wenye vitambi laini ni…”
Mzee hakumaliza neno lake. Alikata roho kabla hajatoa njia. Wajukuu walilia, kwani walijiona nao wakihangaika na mwisho wangekufa kifo cha mzee.
Kifo cha masikini ni kituko sana, kama hakijatokea kitu. Teh! Teh!

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»