Mfalme Anataka Kuniua | Sehemu ya Tisa

By

 

Taji la mfalme

Wakati dada anasimulia, Mfalme aligonga katika chumba kile na kumtaka Malkia aongozane naye haraka. Basi Malkia akasimama asiyetaka huku akiuliza, “Ikawaje sasa, niambie haraka niende…”

“Mako alienda Kwa mfalme…” alijibu dada akiongea haraka, “alipofika kwa mfalme wa majitu akafanya maonyesho kadhaa yaliyokusanya majitu mengi ajabu. Lile jitu lililompokea nalo likapewa cheo nyumbani kwa mfalme hata likasahau habari za umasikini wa awali. Baada ya kuwa amekaa kwa muda wa miaka miwili, Mako akamuomba mfalme huyo amsaidie kurejea Duniani kwa lengo la kuwatoa hofu ndugu na jamaa zake ambao wanaweza kudhani kuwa amekufa. Basi Mfalme wa Majitu alimsaidia Mako kurejea na tangu arejee hajarudi tena huko japo njia anaifahamu.

Alimaliza dada kusimulia. Wakati huo mfalme alikwisha fungua mlango na kumkamata mkono Malkia aliyekuwa amesimama kisha akatembea naye haraka kuelekea alikojua yeye.

***

Ilikuwa mchana siku ya pili Mako akiwa gerezani. Wenzake watatu hawakuwa na hofu, pengine wao walibakiwa na mvua nyingi zaidi. Katika hali ya kusikitisha mchana huo, wingu kubwa lilitanda na kuashiria kuwa mvua ingenyesha muda wowote. Maana yake ni kwamba, Mako angenyongwa siku inayofuata.

Wingu lilikuwa jeusi hata mchana ule ukabadilika na kuwa kama usiku. Mapigo ya moyo ya Mako yalibadilika na kudunda kwa kasi. Japo alikuwa shujaa katika jamii yake, alitawaliwa na hofu. Hofu ya kuuawa.

Upepo mkali ulivuma, wingu lile likasogezwa polepole kuelekea mashariki. Likasogea tena na tena mpaka lilipoondoka kabisa katika mji wa Kanakantale. Jua likaonekana tena. Mako akapumua kwa nguvu asiyeamini kilichotokea.

Hali ile ilimuogopesha Mako, aliona kama angezubaa basi angeuawa ilhali hakuwa na hatia. Sasa akapanga mpango wa kutoroka, aliona njia pekee ya kuepuka uonevu uliotarajiwa kutendwa dhidi yake ilikuwa ni kutoroka gerezani. Alipiga hesabu zikakamilika. Akasubiri muda wa kufunguliwa vyumbani kwenda kufanya usafi ufike.

Saa kumi jioni, wafungwa walitolewa katika vyumba vyao ili wafanye usafi wa mwili na mazingira. Zoezi hili lilitumia saa mbili pekee hivyo saa kumi na mbili wangerudishwa katika vyumba.

Mako alitembea katikati ya Athu, Sipe na Sasi. Hawakuzungumza chochote, walitembea wakipigana vikumbo na wafungwa wengine.

Walifika sehemu iliyotumika kwa ajili ya kuoga. Paliwekwa vyungu vingi vikubwa vilivyojazwa maji, wafungwa wakavua nguo zao na kuanza kuyafurahia maji yale.

Mako hakushughulika na uogaji. Jicho lake lilitembea katika uzio wa gereza. Uzio ulikuwa hatua kumi na sita kutoka aliposimama. Mbele palikuwa na askari mmoja mwanamke. Kwa kuwa uzio ulijengwa kwa miti ya mkonge iliyoacha nafasi, Mako aliweza kuona nje ya gereza. Nje palikuwa na mto uliotiririsha maji. Kuona hivyo, mwanaume akatabasamu.

Soma: Mfalme Anakata Kuniua | Sehemu ya 10

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»