Jinsi ya Kuzuia Kusinzia Darasani Mwalimu Anapofundisha

By
Paka akiwa kalala.
Kabla mwalimu hajaingia darasani, unakuwa na nguvu za kutosha na unazungumza na wanafunzi wenzako. Mwalimu anapoingia, hali inabadilika, kadri anavyoongea na wewe ndiyo usingizi unazidi kukolea. Badala ya kuelewa kipindi, unaishia kusinzia. Sasa mwalimu katoka na usingizi nao haupo. Ni kama umerogwa eeeh? Hapana, hujarogwa hilo ni tatizo la kawaida na karibia kila mwanafunzi hukutana nalo. Tatizo la kusinzia darasani.

Kusinzia darasani kunaweza kukufanya uyachukie masomo na mwisho wake upate matokeo mabaya ya darasani kwani kile ulichotakiwa kukielewa hutakielewa kwa sababu ya kukosa usikivu. Tatizo hili linahitaji tiba, na zifuatazo ni njia za kufanya ili kuzuia kusinzia darasani.

     1.   Pangilia vizuri muda wako wa kulala

Lala muda unaofanana na amka muda unaofanana kila siku hata katika siku za mwisho wa wiki. Kwa mfano, kama unalala saa sita usiku na kuamka saa moja asubuhi, fanya hivyo siku zote. Muda wa kulala ni saa nane, hata hivyo kama ratiba yako ni ngumu, bado ni sahihi kulala saa sita au saba. Hakikisha unalala kwa angalau saa sita kwa siku, chini ya hapo ni hatari kwa afya yako na utaendelea kusinzia darasani.

     2.   Lala kidogo mchana

Baada ya kutoka darasani, lala kidogo kwa muda wa dakika 30. Hii itakuepusha kupata usingizi utakapokuwa darasani.

     3.   Fanya mazoezi

Fanya mazoezi ya kawaida ili kuchangamsha mwili wako. Wanafunzi wangu wenye tatizo la kusinzia darasani huwa nawashauri wafanye mazoezi haya: kukimbia, kuruka kamba, na ‘push up’.

     4.   Punguza kazi nyingi

Ni lazima kufanya kazi, lakini kazi nyingi zitakufanya mchovu na mwili utahitaji kupumzika na hapo ndipo usingizi unapovamia. Hivyo punguza mambo mengi. Zile safari za kumfuata msichana au kaka yule ndiyo chanzo cha uchovu unaokufanya usinzie darasani.

     5.   Usile kupita kiasi muda mfupi kabla ya kulala

Mwanafunzi wangu mmoja aliyekuwa na tatizo la kusinzia darasani, nilimshauri mambo manne hapo juu bila mafanikio, ndipo nilipokuja kugundua kuwa, kumbe mwanafunzi huyu, hula ugali mkubwa na maharage ndipo analala usiku. Jambo hili siyo jema, linachosha mwili na kesho utasinzia darasani.

Haikatazwi kula muda mfupi kabla ya kulala, lakini kula kidogo na kaa angalau kwa saa moja kabla hujalala.

Kama una tatizo la kusinzia darasani, jaribu mambo hayo matano, natumaini utapata matokeo mazuri na utafurahia masomo.


Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»