Mtihani wa Kiswahili 2 Kidato cha Sita 2020 1 Fomati Mpya

By
Cheche za fataki.

Maelekezo ya Kufanya Mtihani Ili Usahihishwe na Mwalimu:

1. Mtu yeyote na popote alipo anaruhusiwa kufanya mtihani huu.
2. Fanya mtihani huu kwa kutumia aina yoyote ya karatasi.
3. Ukimaliza, piga picha karatasi hizo kisha zitume WhatsApp kwenye namba ya Mwalimu Makoba, 0754 89 53 21.
4. Subiri mtihani wako usahihishwe, Urudishiwe na ufanyiwe masahihisho.
5. Gharama ya mtihani huu ni shilingi 2,000/= (elfu mbili).
Namba za malipo ni: M – Pesa 0754 89 53 21 (Daud Mhuli) na Tigo pesa 0653 25 05 66 (Daud Mhuli).

Muda: Saa 3

Sehemu A (alama 40)

Jibu maswali yote
1. Huku ukitumia mifano, eleza kwa ufupi mitazamo mitano ya fasihi.
2. Orodhesha dhima tano za mtunzi wa kazi za fasihi.
3. Kwa kutumia mifano, toa maana ya maneno haya:
I. Uhakiki wa kazi za fasihi
II. Fasihi
III. Udhamini wa kazi za fasihi
IV. Tamathali za semi
4. A. Toa maana ya ushairi
B. Taja sifa nne za ushairi simulizi.

Sehemu B (Alama 60%)

Jibu maswali matatu, swali la nane ni la lazima.
5. “Washairi ni washauri wa jamii.” Thibitisha usemi huo kwa kutumia hoja nne kati ya diwani mbili ulizosoma.
6. “Dunia ni uwanja wa fujo.” Kwa kutumia riwaya mbili ulizosoma, thibitisha usemi huu ukitoa hoja nne kwa kila riwaya uliyosoma.
7. “Mapenzi ya kweli huondoa migogoro.” Fafanua ukweli wa kauli hii kwa kutoa hoja nne kwa kila kitabu katika tamthiliya mbili ulizosoma.
8. Soma matini ifuatayo kisha bainisha vipengele vya fani vilivyotumika.
Alisimama katikati ya jiji la Dar es Salaam. Jua kali… yeye mwenyewe alishangaa kwa nini jiji lilimkataa kiasi kile! Akiendelea kutafakari, jua likamchoma tena, ‘chooo’. Shati alilovaa, hapo zamani lilikuwa jeupe, lakini kwa sababu ya mapambano ya maisha, shati lilibadilika na  halikuwa na rangi ya kueleweka, lilibadilika na kuwa na rangi ya aina yake.
“This is impossible.” alisema kwa sauti. Mbwa aliyesimama jirani yake, akacheka, jamaa akakasirika, akarusha teke, mbwa akakwepa, akakimbia. Akasema tena kwa sauti, “Ukikosa pesa unadharauliwa mpaka na mbwa koko!” wapita njia wakamuunga mkono, “Ewaaaa!”
Zimwi likujualo halikuli likakwisha, jiji lilimfahamu, lakini sasa lilimtafuna na pengine Jamaa alibaki kipande kidogo ateketee. Alikonda kama uzi, alibaki mifupa mitupu. “Mjini, mjini, mjini...” aliendelea kuwaza kwa sauti.
Alikumbuka biashara yake ya kuuza pombe, biashara ilikwenda vizuri na alipata pesa nyingi wakati huo. Hata hivyo, biashara iliingia dosari baada ya kuibuka mchungaji mwenye upako. Mchungaji huyu alihubiri neno mpaka walevi wakaacha pombe, Jamaa akakosa wateja, akafirisika. Huo ukawa mwanzo wa maisha yake haya ya bahati mbaya!
Akisimama juani kwa muda mrefu, njaa iliongeza makali. Hakuwa hata na senti moja ya kununulia chakula, na tumbo lilitaka chakula. Ama kweli tumbo halina adabu. Basi akakumbuka maneno ya wahamasishaji, “unaweza kufanya chochote, unaweza… unaweza!” akikumbuka maneno hayo, akaokota jiwe kubwa, akaliweka katikati ya mikono yake kisha akasema kwa sauti, “Ewe jiwe… geuka mkate… geuka mkate mara moja, geuka mkate…”
Wapita njia walicheka, wakasikika wakisema, “Tayari dishi limeyumba!”
(Mwalimu Makoba: 2019)

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»