Mambo ya Kuzingatia Kabla na Wakati wa Mtihani

By
wanafunzi wakiwa na baiskeli
Nifanye nini ili nifaulu? Naulizwa kila siku swali hili.
Sijawahi kumshuhudia mwanafunzi asiye na hofu ya mtihani, hata wenye uwezo mkubwa tena waliosoma mada zote, huhofia mtihani unapokaribia. Hofu hii ni kitu cha kawaida, inakusaidia usijiamini kupita kiasi na uwe makini, hivyo usihofu kuhofia, bali kuwa na hofu pale uikosapo hofu!
Hata hivyo, kuwa na hofu kupita kiasi ni tatizo, tafadhali hebu jiamini… Unaweza, usiogope sana!
Nimekuwa nikifuatwa kwa njia ya teknolojia na miguu na makumi elfu ya wanafunzi wakiniuliza, “mwalimu wa walimu na wanafunzi, tufanye nini tufaulu?” nami huwajibu, “kuwa makini kabla ya mtihani na wakati wa mtihani.”

Mambo ya Kuzingatia Wakati wa Mtihani

zingatia mambo haya:

Usiwe na hofu

Jiamini unaweza kufanya mtihani wako na ukapata matokeo mazuri. Hakuna jipya katika mtihani, hakuna gumu, yote ni kawaida na kazi yako ni kuthibitisha kuwa una maarifa fulani katika kichwa chako.

Kula kidogo

Ubongo wako unahitaji chakula ili uweze kufanya kazi. Usiingie katika mtihani ukiwa na njaa. Hakikisha umekula, lakini usile kupita kiasi, kula kidogo.

Soma maswali kwa makini

Kuwa makini katika kusoma maswali yako na hakikisha unaelewa maswali hayo yanataka majibu gani. Kushindwa kusoma maswali kwa makini ni kushindwa kuyapata maswali hayo, hivyo kuwa makini sana hapa.

Tumia muda vizuri

Hakikisha uingiapo katika mtihani una saa yako ya mkononi. Hii itakusaidia kujua muda unaotumia kujibu maswali, pia inakuepusha na hofu juu ya muda uliosalia kuisha kwa mtihani wako.

Jibu maswali unayoyaweza

Anza kujibu maswali unayoyaweza, katika mtihani unaruhusiwa kuanza kujibu swali lolote. Unaweza ukaanza na swali la tisa kisha likafuata la kwanza. Hivyo anza na maswali mepesi na hapo baadaye, maliza na magumu.

Usijibu kupita kiasi

Kuandika sana hakukufanyi upate alama nyingi. Katika mtihani wako, andika mambo ya msingi pekee. Kwa mfano, katika maswali ya kujieleza, katika aya moja inatarajiwa kuwa na mistari mitano mpaka 10.
Naomba niishie hapo, zingatia sana hayo niliyosema… oooh, kuna kitu nimesahau, wakati naandika nilitakiwa kuanza na mambo ya kuzingatia kabla ya mtihani, sasa nimeanza na mambo ya kuzingatia wakati wa mtihani! Nimeanza kuzeeka? Mbona bado ningali mwalimu kijana… balaa gani hili? Ptuuuuuh!

Mambo ya kuzingatia kabla ya mtihani

1. Soma mada zote.
2. Elewa mada ulizosoma, usikariri.
3. Shirikiana na wenzako.
4. Fanya mitihani ya kujipima. Habari njema ni kwamba hata kama uko mbali na huna mwalimu, mitihani yangu ya Mwalimu Makoba online Examination unaweza kuifanya ukiwa popote. Asante teknolojia!
5. Pitia maswali ya mwisho ya kujiandaa kufanya mtihani wako. Chini hapo nimekuwekea link ya kuwasiliana nami ili uweze kuyapata.
Mwisho, nakutakia maandalizi mema ya mtihani na mtihani mwema rahisi unaojibika.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»