SAFARI YA KUUSAKA MWEZI (sehemu ya nane)

By



Looh! Sikuamini, niliiona Mapandagila 214 ikiwa imeegeshwa mbali kidogo, niliruka kwa furaha nikamkumbatia Chokusi, akanikwaruza ubavuni kwa vile vyuma vyake, sikuhisi maumivu. Lakini tena nikakumbuka jambo, nikauliza.

            “Lakini nilipodondoka iliharibika kabisa… nitawezaje kupaa tena?”

            “Niliitengeneza… kwa sasa iko vizuri na itakufikisha salama huko uendako.”

Nilimkumbatia tena kwa furaha, lakini kabla sijamwachia, akanipiga mweleka, wote tukalala chini.

            “Askari wanakuja na makombora, wamekwishagundua kuwa umetoroka, tambaa mpaka katika ndege yako, usinyanyue kichwa wala kugeuka nyuma, kwa heri.

Chokusi alirudi katika shimo haraka, mimi nilitambaa kama nyoka kuelekea ilipokuwa Mapandagila 214, nikayasikia makombora mazito yakirushwa, nikakaza mwendo.

Kombora moja lilinikosa mguuni, nikajivuta kushoto, nikatazama juu, ndege nyingi ziliranda… nilikwishaonekana, sikuwa na ujanja, nikajivuta mpaka katika jiwe kubwa nikaegama huku nikipiga hesabu za kuifikia Mapandagila 214 bila kuguswa na makombora yale.

Nikiwa nimeegama katika jiwe hatua chache kuifikia Mapandagila, kombora kubwa lilirushwa, Mapandagila 214 ikasambaratishwa vipandevipande. Nililia kwa  uchungu wa kukipoteza chombo hiki kilichokuwa fahari ya nchi yangu, chombo kilichotumia pesa nyingi na maarifa kukitengeneza kilisambaratishwa maramoja bila huruma. Sikujua ni vipi ningetoka salama katika mikono ya adui.

Ndege za adui zilitua, wanajeshi wengi wakashuka na kuanza kuja mahali nilipokuwa, ujanja wangu wote ulibaki mfukoni.

Lakini ghafla, makombora mazito yalirushwa na kuzisambaratisha ndege za adui, kisha chuma kizito kikashushwa, kikawavuta wale watu wa chuma na kuwanasa kama gundi. Niligundua baadae kuwa chuma kile ilikuwa sumaku yenye nguvu sana.

Nilipepesa macho, nikakiona chombo cha masafa ya anga kikitua, ubavuni kiliandikwa MAPANDAGILA 428. Nilitabasamu kwa furaha kwani niligundua chombo kile kilitoka Duniani na bila shaka kilikuja kuniokoa.


Baada ya chombo kile kutua, mlango ulifunguliwa akatoka msichana mdogo mrembo aliyevalia mavazi meupe, nikapepesa macho vizuri ili niweze kumuona, sikuamini macho yangu baada ya kuibaini sura yake, alikuwa Minza binti mfalme kutoka nchi yangu ya Vumu, sikuweza kujizuia niliachia kicheko cha furaha.

itaendelea Jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Sifa Bainifu za Irabu ya Kiswahili Sanifu

By
Image
Fafanua kwa kina huku ukitumia mchoro sifa bainifu za irabu ya Kiswahili sanifu. Irabu ni aina ya vitamkwa ambavyo hutolewa pasi, bila kuwepo kizuizi chochote katika mkondohewa au hewa itokayo mapafuni ikipitia katika chemba ya kinywa au ya pua iwapo irabu hiyo itasilimishwa. Irabu ziko za aina nyingi lakini tutatumia zaidi irabu za lugha ya Kiswahili. Katika kuainisha sifa za irabu ni lazima kuzingatia lugha ambamo irabu hizo zinatumika, kwa sababu kila lugha huchagua idadi ya irabu kadhaa kutoka katika bohari la sauti kwa kuzingatia irabu msingi ambacho ndicho msingi wa irabu za lugha mbalimbali. Kuhusu lugha za Kibantu kuna irabu kuu tano ambazo hutumika karibu katika lugha nyingi za Kibantu na lugha ya Kiswahili ikiwemo kama asemavyo Massamba na wenzake (2004). Irabu hizo huwakilishwa kiimaandishi kama ifuatavyo. Maandishi ya kawaida Maandishi ya kifonetiki a) i                        [i] mfano katika neno l i a, p i ka b) e                      [ε] mfano katika neno ch
Read More»