SAFARI YA KUUSAKA MWEZI (sehemu ya tatu)

By

Minza alitusalimu, kisha akakaa pembeni, sikutaka kupoteza Muda niliingia ndani ya Mapandagila 214, tayari kwa safari ya kuusaka mwezi.

Nilikaa ndani ya Mapandagila 214, nikaiwasha, ikaunguruma kama simba, nilitaka kuwaonesha kuwa mimi ni mtaalamu wa kuendesha Mapandagila ndani na nje ya nchi ya Lahaja. Taratibu nikairusha hewani, niliizungusha polepole katika uwanja ule wa nyumba ya mfalme, nikakunja kona na kuirusharusha kama mpira, halafu nikaitembeza kwa mwendo wa konakona mithili ya kiluwiluwi ndani ya maji, hapo nikaona mfalme na watu wake wakinipigia makofi. Sikutaka kulewa sifa, nikapiga gia kubwa, Mapandagila ikapaa juu, hapo nikatuma taarifa makao makuu,


            “Mapandagila inatembea mwendo wa sauti tisa za kunguru dume!”

Chombo kilikimbia kwa mwendo wa kasi mpaka kikaitoka Dunia. Nikasikia katika mtambo wangu wa mawasiliano watu wa makao makuu wakinipongeza kwa hatua hiyo. Nikatabasamu kwa ushindi mdogo nilioupata.

Lakini ghafla, nililiona jeshi la vichawi vya anga likinifuata kwa kasi,

            “Makao makuu jeshi la vichawi vya anga linanishambulia.” Nilituma taarifa.

            “Ongeza kasi, kimbia mwendo wa sauti 18 za kunguru dume.”

Niliongeza kasi kama nilivyoamuliwa, kwa mbali nikaliona kombora lililotumwa na vichawi vya anga, nikalikwepa, likarushwa kombora jingine, nikakwepa. Chombo changu kilijaa makombora mengi, lakini sikutaka kuyatumia kwani ilikwishaamuliwa kuwa zama za uadui zilikwishapita na mauaji hayakuwa na nafasi tena.

Vichawi vya anga vilikuwa vingi kama nyuki, viliendelea kunishambulia kwa makombora mazito nami niliendelea kuyakwepa makombora hayo, mpaka nilipokuja kupigwa kombora moja ambalo lilifanya mawasiliano yakatike, chombo kikayumba, nikashindwa kukiongoza kikanipeleka kule nisikotaka.

Chombo changu – Mapandagila 214 baada ya masaa saba ya kupoteza mwelekeo kilidondoka katika ardhi nisiyoifahamu, kikasababisha mshindo mkuu! Nikiwa nina hofu na nchi hii mpya niliamua kuimba wimbo wa kishujaa ili kupunguza wasiwasi.

            “Shujaa, kokote natua,
            Mojaa, namba naijua,
            Nitapambana, mpaka ushindi” niliimba wimbo huu mpaka niliposikia sauti ya mtu ikinitaka nitoke ndani ya Mapandagila 214. Nilifungua mlango nikatoka nikiwa na hamu ya kumuona kiumbe aliyegundua uwepo wangu.

Nilishtuka nilipomuona, alikuwa mrefu azipataye futi sita lakini hakuwa mtu wa kawaida, bali lilikuwa jitu la ajabu, tena jitu la chuma! Sikuwahi kumuona mtu aliyetengenezwa kwa chuma, nilishangaa sana, lakini kumbe wakati naendelea kumshangaa, naye alikuwa akinishangaa, hakuwahi kumuona mtu aliyetengenezwa kwa nyama!

            “We ni nani na umetoka wapi?” Aliniuliza kwa upole.

            “Nimetoka sayari inayoitwa Dunia, naelekea sayari iitwayo Vumu, huko nakwenda kuutafuta mwezi wetu ulioibwa na watu waishio huko.”

            “Chombo chako kimeharibika, hutaweza tena kupaa, twende ukapumzike mpaka pale kitakapotengenezwa.”

Nilikubaliana naye, akainyanyanyua Mapandagila 214 na kuibeba kama mtu mzima abebavyo ndoo ya maji, nilistaajabu sana nguvu za jitu hili la chuma.

Tukiwa njiani kuelekea katika mji wa jitu hili, nilijitahidi kuuliza maswali.

Itaendelea jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»