Mwanamke Uliyekula Pesa Zangu Utanitambua 1| Riwaya

By
mwanamume akiwa na hasira

 Na: Mwalimu Makoba

 Mako alikaa katika kiti cha kuzunguka ndani ya ‘night club’ moja katika jiji kubwa la Igaga. Hali ya hewa ya jiji hilo ni joto, lakini ndani ya kiota hicho cha burudani, kulikuwa baridi kwa sababu ya vipupwe vya kisasa vilivyokuwa vikiwapuliza wateja taratibu ili warejee tena siku nyingine. Mako si mtu wa starehe, ila huhudhuria maeneo haya mara chache sana. Mwenyewe hudai, hutembelea kule, ili kujifunza dunia inakwendaje.
Kiota kile cha burudani, kilijaa watu, lakini hawakuwa wengi kiasi cha kukosa nafasi na kuchukiza. Baadhi ya watu walicheza kila wimbo uliopigwa na ‘dj’ ambaye muda wote mikono yake haikutulia kwa sababu ya kuchanganya nyimbo za kukonga nyoyo za wateja. Mako hakucheza, alikaa akipata kinywaji chenye kilevi.
Akiendelea kusukuma mafunda kadhaa ya kinywaji chake, alimwona binti mrembo akiingia ndani ya kiota kile cha burudani. Nishai zilishamkaa sawasawa, akapaza sauti, “mrembo, njoo ukae katika kiti.” ni kama bahati, kwani binti yule hakupinga, alitembea kwa madaha kama twiga mbugani kisha akaketi pembezoni mwa Mako!
“Unaitwa nani mrembo?” Mako aliuliza.
“Lightness.”
“Jina zuri sana, mimi pia ninalo jina, ninaitwa Mako.”
Mazungumzo yao yalifana, hata ungewaona ungedhani walifahamiana kitambo. Walizungumza, wakacheka na wakati mwingine walinyanyuka wakacheza mziki pamoja.

 Bofya Hapa Kujiunga Kundi la Riwaya za Mwalimu Makoba WhatsApp
Mako alidhani labda binti yule ni kahaba kwa sababu ni kawaida kwa wanawake wa aina hiyo kuingia katika viota vya starehe. Hata hivyo, alishangazwa na jinsi binti huyo alivyokuwa. Hakuwa na tabia za mabinti wanaojiuza. Miongoni mwa sifa yao kuu, ukicheza nao ni lazima waombe bia. Hali ilikuwa tofauti, Lightness alinunua kinywaji chake mwenyewe. Hapo Mako akaanza kubaini kabisa aliyekuwa naye hakuwa kahaba bali ni binti mpenda burudani tu.
“Unaishi wapi?” Mako aliuliza.
“Mtaa wa Mwanaukome.” binti alijibu, safari hii kazidi kulegea sababu ya kile kinywaji.
“Unaishi na nani?”
“Ma mkubwa!”
“Kakuruhusu kuja huku?”
“Nimetoroka!”
Maswali yalimwishia Mako, ikabaki kucheza mziki na kunywa kinywaji. Mako aliwaza kimoyomoyo, “leo pesa yangu haijaenda bure!” pengine ni kwa sababu ya mauno aliyokatiwa na binti Lightness, binti huyu ni kama hakuwa na mfupa katika kiuno chake, Mako akafaidi, wengine wakalitoa jicho wakila kwa macho.
Lakini ghafla burudani ikakatishwa baada ya mlio wa risasi kusikika, watu wakataharuki wanaotaka kukimbia.
“Wote lala chini… wote lala chini.” waliamrisha vijana wawili ambao walivaa kofia zilizoficha sura zao.
Watu walitii amri, walilala chini kama mizoga, hata Mako na Lightness walilala chini.
Itaendelea Jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»