Wanasiasa Wanahama Mchana Kweupe, Hata Aibu Hawaoni| Makala za Mwalimu

By
Wanasiasa Wanahama Mchana Kweupe, Hata Aibu Hawaoni
Ni ujinga kama tutafurahia kufa kwa upinzani! Nchi isiyo na watu wenye mawazo tofauti, inasikitisha na kutia simanzi! Ole wetu Watanzania.
Kipindi hiki kimekuwa na purukushani za wanasiasa kuvihama vyama vyao kwa wingi zaidi kuliko katika kipindi chochote ambacho nimekuwa nikizifuatilia siasa za Tanzania. Katika hama hama hii, wengi wanadai yale waliyokuwa wanayataka yafanywe, sasa yanafanywa na Chama Tawala hivyo hawana sababu ya kuendelea kuwa wapinzani. Hoja hii ni dhaifu na ina walakini. Kwani uhai wa upinzani upo pale tu chama tawala kinapofanya madudu? Kama hali ni hii, basi hatujui maana na lengo la vyama vingi.
Hata hivyo, ukweli huwa haujifichi. Sababu moja katika nyingi inayowafanya wanasiasa hawa wahame kutoka huku kwenda kule (chama tawala kwenda upinzani na upinzani kwenda chama tawala) ni ‘maslahi binafsi’. Hapa kuna makundi mawili yanaibuka:
Kundi la kwanza ni lile la wanasiasa wasio na kitu. Hawa hawana mali. Ni masikini ambao wameamua iwe iwavyo lazima watumie umaarufu wao wa kisiasa kujitengenezea kipato ili kupambana na ugumu wa maisha. Hawa wako wengi kuliko aina nyingine yoyote ile.
Kundi la pili ni la wanasiasa wenye kitu. Hawa wana mali nyingi sana. Ni matajiri wanaonesa katika mabembea! Kinachowasumbua hawa ni hofu tu. hofu ya kushuka, hofu ya kufilisika. Hawana amani kuwa katika vyama vyao, suluhisho la kulinda mali ni kusarenda na kusema, ‘tumerudi bwana mkubwa! Tusamehe sana!
Wote hawa si wazuri kuwakabidhi madaraka. Watu wasio na misimamo ni hatari kwa afya ya taifa. Ni watu wanaovutwa na upepo wa fedha, hawana uwezo wa kutafakari sentimita chache mbele ya matumbo yao laini. Wanaisaka shibe, na bila shaka wameipata.
Ugumu wa maisha umetengeneza wimbi kubwa la wanasiasa wasio na upande maalumu. Hawa ni watu ambao wanatumia nguvu kubwa kujifanya wakosoaji wa mambo katika nchi ili waonekane. Wakiisha kuonekana, wanaweka dau mezani wanunuliwe! Inachosha.

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»