RIWAYA| SAFARI YA KUUSAKA MWEZI (sehemu ya 10)

By


“Jitambulisheni nyie ni akina nani? Sivyo tunawachoma moto.” Alisema mmoja wao aliyeonekana kuwa kiongozi.
          “Tumekuja kwa amani,” nilijibu, “sisi ni wanadamu toka sayari ya Dunia, tupelekeni kwa mfalme wenu tuna mazungumzo.”
          “Ha! ha! ha! mmeufuata mwezi wenu, hampati kitu, na mkileta habari za kudai mwezi mtarudi bila roho zenu.” Kilijibu kijitu kichafu, nilipokitazama usoni nikagundua ni kilekile kilichoiba mwezi wetu na kuuweka mfukoni, nilistaajabu umbile dogo la kiumbe yule liliwezaje kuubeba mwezi tena kwa kuutia mfukoni!
Baada ya mazungumzo walikubali kutupeleka kwa mfalme wao. Walitutaka twende kwa mwendo pole ili tufike asubuhi maana usiku ule mfalme alilala na haikupaswa kumsumbua.
Chombo kilitembea taratibu tukiwa tumewekwa katikati ya vile vijitu, hatukuruhusiwa kuongea wala kukohoa. Kwa muda wote huu, msichana Minza hakuonesha dalili yoyote ya kuchoka wala hofu.
Wakati kunakucha, sisi tulikuwa tunaingia katika makazi ya mfalme wa Vumu. Sayari hii ilitawaliwa na mfalme mmoja, na watu wake wote walifanana. Walikuwa wafupi, wachafu, lakini wanaoweza kupaa.
Tulipofika chombo chetu kilitua, nikashuka na Minza akashuka, tukapelekwa mpaka ndani, humo tulimkuta mfalme akiwa amekaa katika kiti cha dhahabu. Mfalme hakufanana na watu wake. Alikuwa mrefu tena asiyeweza kupaa, msafi na mwenye nywele za sufi tofauti na watu wake ambao wote vichwa vyao havikuwa na nywele. Mfalme alitukaribisha nasi hatukusita, tulikaa katika viti.
          “Habari ya Duniani?”
          “Nzuri.” Tulijibu kwa pamoja.
          “Endapo mmekuja kuchukua mwezi wenu hamtafanikiwa, na endapo mmekuja kutembea karibuni sana.” Mfalme alizungumza maneno ambayo yalitukatisha tamaa hata kabla hatujapumzika. Kauli hiyo ilikifanya kifua cha Minza kidunde kama mpira. Nikaamua kuzungumza kwa busara sana.
          “Ni kweli tunautaka mwezi, lakini hii ni kwa faida yetu sote. Sisi na wewe. Mwezi wa Dunia yetu ulitengenezwa kwa ajili ya Dunia yetu, kuuweka huku kunaufanya utoe mwanga hafifu na kikifika kipindi cha kupatwa kwa jua mwezi huu utasababisha majanga ya asili. Zipo faida mbili za wewe kuturuhusu kuondoka salama na mwezi wetu.”
          “Zitaje.” Alijibu mfalme akiwa na hamu ya kufahamu. Nikamtazama machoni Minza aliyekuwa kimya muda wote kisha nikaendelea kuzungumza.
          “Tunafahamu ya kwamba nyinyi si viumbe waovu ila mmeiba mwezi wetu kwa sababu mwezi wenu ulizima ghafla. Hivyo tutauwasha tena mwezi wenu na kuwafundisha namna ya kuutengeneza pindi uharibikapo.”
Mfalme aliachia tabasamu pana hata nikaweza kuyaona meno yake meupe. Akatulia kwa muda akitafakari.

Itaendelea Jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»