SAFARI YA KUUSAKA MWEZI (sehemu ya saba).

By





Nilikaa ndani ya chumba kile mpaka nilipopitiwa na usingizi, nikiwa usingizini niliota jinsi watu wa nchi yangu walivyokuwa wakiteseka, kabla ndoto haijaisha niliamshwa na binti waziri, mkononi akanipatia mikate miwili iliyotengenezwa kwa ufuta, nikagundua upembe ndio ulileta chakula hicho.

Nilikula mikate ile mpaka nikaimaliza, wakati nikiendelea kuusikilizia utamu wa mkate, binti waziri alinishika mkono kisha akasema nami taratibu.

            “Hakuna aliyewahi kukataa agizo la mfalme, kesho asubuhi utaondoka kwenda kuvichukua vitabu vya mafanikio… usiogope, utasindikizwa na askari kadhaa.”

            “Siwezi kwenda, watu wangu wanateseka.” Nilibisha, binti akatoka ndani na kuufunga mlango. Nikabaki katika chumba nikiwa mpweke.

Nikiwa ndani ya chumba kile, niliwaza mengi, kubwa zaidi nilifikiri namna ya kutoroka ili niendelee na safari yangu. Ulinzi ulikuwa mkali nilipata hofu kiasi.

Nilikitazama chumba chote, sikuweza kuona upenyo, kwa huzuni nikapitiwa usingizi. Nilistushwa usingizini na ukelele hafifu niliousikia… nilipotazama mbele kidogo niliona sakafu inanyanyuka juu, kisha akaibuka mwana mfalme, Chokusi. Kumbe ndani ya chumba kile palikuwapo handaki!

Chokusi alisogea karibu yangu akanikumbatia, nikafarijika kwani nilipata uhakika kuwa alikuja kunisaidia.

“Rafiki yangu umekula?” aliniuliza.

“Ndiyo.”

“Kesho asubuhi wanapanga kuondoka na wewe, wametumwa askari zaidi kutoka matawi yote waje wahakikishe kuwa hutoroki, nafasi pekee uliyonayo ni sasa. Ukichelewa kidogo tu, hutapata upenyo tena.”

“Nisaidie rafiki yangu…” niliomba kwa sauti ya unyonge.

“Nipo hapa kwa ajili hiyo… haya haraka tuingie katika shimo hili tutembee mpaka tutakapoibuka upande wa pili.”

Chokusi alitangulia, mimi nilifuata, tukazama ndani ya shimo kama nyoka, tukatembea kwa tahadhari kubwa ya kukamatwa na askari. Moyoni nilianza kupata furaha ya kuendelea na safari yangu.

Tulitembea kwa mwendo mrefu mpaka tulipoibuka mahali ambapo sikupafahamu, nilifurahi lakini nilikumbuka jambo moja nikaamua kuuliza.

            “Asante sana… lakini nadhani hapa ni mbali sana, na Mapandagila tumeiacha nyumbani.”


            “Mapandagila? Kile chombo chako cha kuelea angani?... Tazama pale mbele”

itaendelea jumapili...

Popular posts from this blog

Jinsi ya Kuandika CV | Mfano wa CV Wasifu

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. CV au wasifu ni kitu cha lazima kwa yeyote anayeomba kazi. Watu wengi wanaokosa kazi, tatizo huwa siyo wao, bali tatizo huwa ni CV zao. Kumekuwa na makosa mengi katika uandishi wa CV jambo ambalo limesababisha watafuta kazi wengi kushindwa kuitwa kwenye usaili. Makala hii itakueleza namna sahihi ya kuandika CV, utaitwa katika ‘interview’ nyingi endapo utaandika CV sahihi. Tena nakukumbusha, kila taaluma ina aina yake ya CV, CV ya rubani haifanani na CV ya injinia. Vivyo hivyo, CV ya mpishi haifananani na CV ya Mwalimu. Pia nakukumbusha usome jinsi ya kuandika barua ya maombi ya kazi , kwani CV huenda pamoja na barua ya maombi ya kazi. Hatua ya kwanza nitaonesha mfano wa CV kwa lugha ya Kiswahili na hatua ya pili nitaonesha mfano wa CV kwa lugha ya Kiingereza halafu utachagua mwenyewe utumie lugha gani katika kua
Read More»

Jinsi ya Kuandika Barua ya Maombi ya Kazi Mwaka 2024

By
Image
Kitaalamu Zaidi, Tunaweza Kukuandikia Barua ya Maombi ya Kazi na CV Uitwe Katika Usaili na Upate Kazi. Barua Tsh. 5,000/= na CV Tsh. 9,000/=. Gusa Hapa Kuwasiliana Nasi. Umewekeza katika elimu yako, una kila sifa ya kupata kazi fulani lakini hupati kazi hiyo, inawezekana kabisa sababu mojawapo inayokufanya usipate kazi unayoitaka ni kutokujua kuandika barua ya maombi ya kazi au unapoandika, unaandika katika namna mbaya inayofanya waajiri wakupuuze. Kwa muda mrefu nimekuwa nikiulizwa na wanafunzi na wasomaji wa mtandao wangu kuhusu jinsi ya kuandika barua ya maombi ya kazi kwa kiswahili, na wengine huuliza kuhusu jinsi ya kuandika barua ya maombi ya kazi kwa kiingereza. Waombaji wengi huuliza kuhusu maombi ya kazi ya udereva, hotelini, kazi za polisi, ualimu, afya utendaji wa kijiji na kazi chungu nzima ambazo haziwezi kutosha hapa zikiandikwa. Kazi zote siku hizi zinahitaji kuandika barua, hata kama unataka kujitolea, lazima utaandika barua! Isivyo bahati ni kuwa, hata mtandaoni
Read More»

Jinsi ya Kuandika Risala | Kiswahili Kidato Cha Nne

By
Image
Risala ni hotuba fupi iliyokatika maandishi na ambayo husomwa mbele ya mgeni rasmi ikielezea kuhusu mafanikio, changamoto na maombi ya kundi fulani. Muundo wa Risala -       Utangulizi. Katika kipengele hiki, cheo cha kiongozi (mgeni rasmi) hutajwa. Pia kundi linalowakilishwa. -       Kiini. Mafanikio ya kundi, changamoto za kundi, mapendekezo na ushauri. -       Hitimisho. Kipengele hiki hukaa shukrani. Sasa hebu tazama mfano huu wa risala: Swali; Jifanye wewe ni mwanafunzi wa kidato cha nne na umechaguliwa kuandaa risala itakayosomwa mbele ya mgeni rasmi siku ya mahafali yako ya kumaliza kidato cha nne. Andika risala utakayoisoma siku hiyo. RISALA YA WANAFUNZI WA KIDATO CHA NNE KWA MGENI RASMI Ndugu mgeni rasmi, waalimu, wazazi, wanafunzi wenzetu, wageni waalikwa mabibi na mabwana. Ndugu mgeni rasmi, tunayofuraha kukualika leo hii katika sherehe yetu ya mahafari haya ya kidato cha nne ili usherehekee pamoja nasi na zaidi uweze kusikia mafanikio y
Read More»